Finss.az xəbər verir ki, Rusiyada Haval brendi altında avtomobillər istehsal edən Çin avtomobil istehsalçısı Great Wall Motor (GWM) 2026-cı ildə Tula vilayətindəki Uzlovaya sənaye parkında avtomobil hissələrinin istehsalına başlamağı planlaşdırır, - regionun qubernatoru Dmitri Milyayev bildirib.
"Hazırda Tula nümayəndə heyətinin aprelin sonunda Çin Xalq Respublikasına səfəri zamanı əldə olunmuş razılaşmalar çərçivəsində avtomobil hissələrinin istehsalı üzrə zavodun tikintisinə başlanılıb. Müəssisənin 2026-cı ildə açılması planlaşdırılır", - Milyaev şirkətin rəhbərliyi ilə görüşdən sonra özünün Telegram kanalında yazıb.
Qubernator həmçinin bildirib ki, “Haval” avtomobillərinin taksi sənayesində istifadə imkanları müzakirə olunub.
Xəbər verdiyimiz kimi, Tula vilayətinin qubernatoru SPIEF-2025 sərgisində Great Wall Motor şirkətinin nümayəndələri ilə investisiya layihəsinin həyata keçirilməsinə dair saziş imzalayıb. İnvestisiya həcmi 30 milyard rubl qiymətləndirilir. 1 minə yaxın iş yeri açılacaq.
